طارق کمال

سیرت

میرا نام طارق کمال ہے۔  میرا تعلق پاکستان کے صوبہ خیبر پختونخواہ سے ہے جہاں میں ایک خوبصورت علاقے سوات میں رہتا ہوں۔ ہمارے علاقے کو اس کی خوبصورتی کی وجہ سے مشرق کا سوئٹزرلینڈ بھی کہا جاتا ہے۔ 

میری قومی زبان اُردو ہے جبکہ مادری زبان پشتو ہے۔ میں ان دونوں زبانوں کا انگلش کے ساتھ ترجمے کا کام کر رہا ہوں۔میری خوش قسمتی ہے کہ میں اپنے علاقائی پشتو کے ساتھ ساتھ افغان پشتو بھی سمجھتا ہوں کیونکہ ہمارا علاقہ افغان بارڈر کے نزدیکی علاقوں میں سے ہے جبکہ بہت سارے افغان باشندے حجرت کرکے بھی ہمارے علاقے میں آباد ہوئے۔

میں پچھلے دس سالوں سے آن لائن ترجمہ کا کام کر رہا ہوں۔ میں یہ کام پارٹ ٹائم کر رہا ہوں کیونکہ دن کے وقت میں سرکاری ملازمت کرتا ہوں۔ اس وقت میں یونیورسٹی آف سوات میں ایک اہم ایڈمنسٹریٹیو پوزیشن پر ہوں جبکہ اس سے پہلے ڈسٹرکٹ جوڈیشری اور پولیس ڈیپارٹمنٹ میں بھی ملازمت کر چکا ہوں۔

اس فیلڈ میں آنے کی سب سے بڑی وجہ یہ تھی کہ جب میں نے 2009 میں ایک فری لانس پلیٹ فارم کو جوائن کیا اور اس پر سرچ کیا تو  وہاں پر پشتو زبان میں ترجمہ کرنے والا کوئی بھی موجود نہ تھا۔ اس کے بعد کئی اور پلیٹ فارمز پر تلاش کی تو معلوم ہوا کہ پشتو زبان کے ترجمہ کیلئے بیشتر پلیٹ فارمز پر کوئی ٹرانسلیٹر موجود نہیں تھا۔ اس بات نے مجھے احساس دلایا کہ پشتو میری مادری زبان ہے اور انٹرنیٹ پر اس کی خدمت کیلئے کوئی ہونا چاہئے۔ تب سے میں نے پشتو ترجمے کا کام شروع کیا اور بعد میں چونکہ اردو میری مادری زبان ہے تو اردو ترجمے کی طرف بھی آیا۔ 

 میں بہت سارے فری لانس پلیٹ فارمز پر کام کر رہا ہوں اور میرے بیشتر کلائنٹس میرے کام سے اتنے مطمئن ہیں کہ میں سالہا سال سے اُن کیلئے کام کر رہا ہوں۔ ایک جانے مانے فری لانس پلیٹ فارم پر میں پچھلے کئی  سال سے مسلسل ٹاپ ریٹڈ کیٹگری میں  شامل ہوں۔ 

بطور ترجمان میں نے آج تک سینکڑوں کامیاب ترجمے کئے ہیں جن میں موبائل ایپس کے ترجمے، ویب سائٹس کے ترجمے، ٹیکسٹ بُکس ، قانونی دستاویزات، قصے کہانیوں، مذہبی مواد، سائنسی مواد، میڈیکل اور ٹیکنیکل مواد کے ترجمے شامل ہیں۔ اس کے علاوہ کئی گھنٹوں پر محیط آڈیو اور ویڈیو کے ترجمے بھی کئے ہیں۔ 

میری اچھی کارکردگی کی وجہ سے آج تک کسی بھی کلائنٹ کے ساتھ کوئی تنازعہ پیش نہیں آیا۔ آج تک کسی بھی کلائنٹ نے میرے بارے میں کمزور یا منفی فیڈ بیک نہیں دیا۔ جس کلائنٹ کے ساتھ بھی ایک دفعہ کام کیا ہے تو اُنھوں نے اپنے مستقبل کے پراجیکٹس کیلئے میرا ہی انتخاب کیا ہے۔ میری کوشش ہے کہ اس اچھی کارکردگی کو جاری رکھوں اور کبھی بھی اپنے کسی کلائنٹ کو شکایت کا کوئی موقع نہ دوں۔ 

upwork.com