Binance

Paano paganahin ang JavaScript sa inyong browser

Isang kapana-panabik na panahon ito, dahil ang paggamit ng JavaScript ay nagbago na mula sa dating limitadong paksa ng kaalaman patungo sa isang napakalaki nang kahusayan sa pag-unlad ng web sa nakaraang ilang taon. Sa panahon ngayon, naging napakahalaga na ng JavaScript sa web, na karamihan sa mga tagapag-browse ng internet ay nagpapatupad na ng isang dedikadong engine para lamang patakbuhin ito.

Ang JavaScript ay isang nakamamanghang teknolohiya na gamitin sa web, at ang hindi pagpapagana nito para sa lahat ng website sa inyong browser ay hindi kailanman inirerekomenda. Karamihan sa mga sikat na website ay nakabatay na sa Java, nangangahulugan na ginagamit nila ang JavaScript para patakbuhin ang mga inter-aktibong tampok na nagkakaloob ng isang kasiya-siyang karanasan sa user.

Sa hindi pagpapagana sa JavaScript, hindi magagawa ng browser niyo na patakbuhin o ipakita ang mga inter-aktibong elemento tulad ng pagdidispley ng ads, animasyon o audio. Gayunpaman, ang magandang balita dito ay ang Javascript ay talagang simple lamang i-activate. Maliban pa dyan, may mga partikular ring paraan na maaari niyong hindi paganahin ang JavaScript sa kada site, sa halip na i-off ito nang ganap. 

Kaya’t kung inyong hindi pinagana ang JavaScript sa inyong browser at nais na paganahin na ito ngayon, narito kami upang tumulong. Isinulat namin ang gabay na ito para ipakita sa inyo ang pag-aactivate ng JavaScript sa anim na pinaka-karaniwang ginagamit na browser. Dagdag pa rito, amin ding ipaliliwanag sa inyo kung ano ang JavaScript, ano ang pinaggagamitan ng JavaScript at ano ang aktwal na magagawa niyo sa JavaScript.

Ang Javascript ay pinagana sa inyong web browser. Kung inyong hindi pagaganahin ang Javascript, ang text na ito ay mag-iiba.

Mga instruksyon para sa web developers

Baka sakaling gusto niyong ikonsidera na mag-link sa site na ito, para turuan ang sinumang mga user na hindi nagpagana ng script kung papaano paganahin ang JavaScript sa anim na pinaka-karaniwang ginagamit na browser. Malaya niyong magagamit ang code sa ibaba at baguhin ito ayon sa pangangailangan niyo.

<noscript>
 Para ganap na tumakbo ang site na ito kinakailangan na paganahin ang JavaScript.
 Heto ang mga <a href="https://www.enablejavascript.io/">
 Instruksyon kung paano paganahin ang JavaScript sa inyong web browser</a>.
</noscript>

Sa enablejavascript.io , aming inoptimisa ang karanasan ng user na hindi nagpagana ng script hanggang sa makakaya namin:

  • Ang mga instruksyon para sa inyong browser ay nakalagay sa itaas ng pahina
  • Ang lahat ng imahe ay inilinya, nasa ganap na sukat, para madaling mabasa nang buo

Gusto namin gaya rin ng pagnanais niyo na ang mga bisita niyo ay paganahin ang JavaScript!

Google Chrome Google Chrome

  1. Buksan ang Google Chrome browser sa inyong aparato.
  2. Iklik ang Menu icon (tatlong tuldok) sa itaas na kanang sulok ng inyong screen.
  3. Piliin ang “Settings” sa drop-down menu – ang pangatlong opsyon mula sa ibaba.
  4. Ngayon ay iklik ang “Privacy and security” na nasa kaliwang sidebar menu.
  5. Sa ilalim ng “Privacy and security,” piliin ang “Site settings”.
  6. Sa ilalim ng “Site Settings,” mag-iskrol hangga’t makita niyo ang “JavaScript” at iklik ito.
  7. Ilipat ang switch sa “Allowed (recommended)” – magiging asul ito kapag pinagana.

Pagbati, napagana niyo na ang JavaScript sa inyong Google Chrome browser.

Internet Explorer Internet Explorer

  1. I-launch ang inyong Internet Explorer browser at magbukas ng isang window.
  2. Iklik ang “Tools” – karaniwang matatagpuan sa pinakamataas na bahagi ng menu bar. Pagkatapos, piliin ang “Internet Options” mula sa listahan ng mga opsyon na nakadisplay. Maaari niyo ring pindutin ang “Alt Key” para mabilis itong matagpuan.
  3. Iklik ang “Security Tab”.
  4. I-tap ang “Custom Level” na buton.
  5. Patuloy na mag-iskrol pababa papunta sa ilalim ng pahina hanggang makita niyo ang “Scripting” heading.
  6. Piliin ang “Active Scripting” para i-on ang JavaScript.
  7. Iklik ang “OK”.
  8. I-refresh ang inyong browser.

Microsoft Edge Microsoft Edge

  1. Buksan ang inyong Microsoft Edge browser.
  2. Iklik ang tatlong tuldok na icon sa itaas na kanang sulok para buksan ang Menu tab.
  3. Piliin ang “Settings” item sa Menu tab.
  4. Ngayon ay iklik ang “Site permissions” sa kaliwang Settings pane.
  5. Piliin ang “JavaScript”.
  6. I-on ang “Allowed (recommended)”.

Mozilla Firefox Mozilla Firefox

  1. I-launch ang inyong Mozilla Firefox browser at magbukas ng isang window.
  2. I-type ang “about:config” sa address bar and pindutin ang Enter.
  3. Iklik ang “Accept the Risk and Continue” na buton sa ibaba ng warning message para tumuloy sa pahina ng preferences search box.
  4. Ngayon i-enter ang “javascript.enabled” sa preferences search box.
  5. Hanapin ang opsyon na may label na “javascript.enabled” sa search result at ilipat sa JavaScript.
  6. I-refresh ang inyong browser.

Opera Opera

  1. I-launch ang inyong Opera browser.
  2. Buksan ang “Easy Setup” Menu.
  3. Mag-iskrol pababa papunta sa Easy Setup Menu at piliin ang “Go to browser settings”.
  4. Susunod, mag-iskrol pababa para mahanap ang “Site Settings” na opsyon at pagkatapos ay iklik ito.
  5. Sa ilalim ng “Site Settings”, hanapin ang opsyon na nagpapakita ng JavaScript at piliin ito.
  6. Ilipat sa “Allowed (recommended)” switch para i-activate ang JavaScript. Magiging asul ito kapag pinagana.
  7. Pagbati, na-activate niyo na ang JavaScript.

Apple Safari Apple Safari

  1. Pumunta sa “Safari” section ng inyong aparato.
  2. Piliin ang “Preferences”.
  3. I-tap ang security icon.
  4. Itsek ang checkbox na “Enable JavaScript”.
  5. I-restart ang inyong browser.

Tungkol sa

Ano ang JavaScript?

Ang JavaScript ay isang wika ng scripting na nasa “panig ng kliyente” na pangunahing ginagamit para lumikha at idagdag ang lahat ng mga uri ng dinamikong interaksyon sa mga pahina ng web. Dala ng kanyang mabilis na ebolusyon sa mundo ng teknolohiya, ang JavaScript ay naging haligi ng modernong kaunlaran ng web.

Magaling itong gumagana sa mga tradisyonal na wika ng software design at may kasamang mga kakaibang tampok na ginagawa itong katangi-tangi mula sa kanila. Kung saan ang CSS at HTML ay mga wika na nagdadagdag ng estilo at istraktura sa mga pahina ng web, ang JavaScript ay nagkakaloob ng mga pahina ng web na may mga inter-aktibong elemento na nakapagpapahusay sa mga karanasan ng user.

Kaya’t ang anuman na nagbabago, o bigla na lang nagpa-pop up sa inyong aparato nang walang pag-rereload sa pahina ng web sa sesyon ng pagba-browse? Oo tama ka, yan ang JavaScript.

Sa panahon ngayon, lubhang nakakabilib ang JavaScript kaya’t ginagamit ito ng mga modernong web browser tulad ng Google Chrome, Safari, Mozilla Firefox, Opera, Internet Explorer, Microsoft Edge atbp., pati ang mga sikat na aparato ng mobile gaya ng Android at iPhone ay nagagawa ring magpatakbo ng mga browser at aplikasyon na batay sa JavaScript sa isang katutubong kaparaanan.

Ang maunawaan ang paraan kung paano gumagana ang JavaScript ay mas madali kapag alam niyo ang katanyagan nito, kaya halina’t alamin natin ang maraming iba pa.

Kasaysayan ng JavaScript

25 taon na ang nakalipas, tunay naman na ang isa sa mga pinaka-ginagamit na code sa pag-unlad ng web ay nalikha. Ang paglitaw ng internet ay nakapagsulong sa JavaScript na kailanman ay hindi nasabing mangyayari. Mula sa kanyang paglabas, hindi lamang ipinagtibay ng JavaScript ang kanyang puwesto bilang isang napakalakas na wika sa programming ngunit nakuha rin nito ang mga bagong larangan sa modernong pag-unlad ng web.

Inspirado ng Scheme, Java and Self, ang Javascript ay binuo noong 1995 ni Brendan Eich noong siya ay nagtrabaho sa Netscape Communications. Noong 1990s, ang Netscape Communicatiosn ay nagtamasa ng mahalagang presensya sa Internet dala ng kanyang browser – Ang Netscape Navigator – na kilala sa tawag na Mosaic browser, ang kauna-unahang mainstream web browser. 

Ang Netscape Communications ay kapwa itinatag ni Marc Andreesen, na bahagi ng isang koponan ng mga developer sa Unibersidad ng Illinois na siyang trumabaho sa proyekto ng Mosaic browser noong 1993. Habang nagkakamit ng popularidad ang web, ang mga kumpanya ng teknolohiya naman ay nag-uunahan na buuin ang pinakamahusay na browser sa Internet.

Nakauna ang Microsoft dito at pinasimulan ang proyekto na Internet Explorer sa pagsusumikap na maagaw ang kontrol ng Internet mula sa Netscape. Nagmitsa ito nang matinding labanan sa browser sa pagitan ng Microsoft at Netscape sa pagkamit ng paghahari sa malaking bahagi ng merkado ng browser.

Sa panahong ‘yon, ang mga developer ng web ay nag-aasam para sa isang wika ng scripting na makalilikha o makapagdadagdag ng mga dinamikong tampok sa mga pahinga ng web. Sa simula, kanilang itinuon ang kanilang pansin sa Java ngunit kalaunan ay napagtanto na ang isang mas may kakayahang umayon ang siyang kailangan para mapaghusay ang mga karanasan ng user.

Nagpagtanto ito ng Netscape at naisip ang isang magaang wika ng scripting na magpapahintulot sa mga developer ng web na magdagdag ng mga inter-aktibong tampok sa mga pahina ng web. Ang oras ay nasa kahalagahan noon, at ito ang panahon na ang ama ng JavaScript ay pumasok sa eksena.

Noong 1995, si Brendan Eich ay kinontrata ng Netscape para lumikha at magpatupad ng isang dinamikong wika para sa pagpapalabas ng kanilang Netscape Navigator 2.0 browser. Ang proyektong ito ay dumating bilang mabilisang trabaho kay Eich. Gayunpaman, nakita niya ito bilang isang oportunidad na trabahuin ang isang bagay na marubdob niyang pinapangarap at siya’y nakipagtambalan sa Netscape. Kaya’t ang ideya ng isang magaang gamitin na wika ng scripting ay ipinanganak. Pinangalan ni Eich ito na Mocha ngunit sa kalaunan ay ginawang Live Script ang pangalan. Sa mas maikli pa sa 10 araw, isang gumaganang prototype ang binuo ni Eich at handa nang isakatuparan sa Net Navigator 2.0 Beta browser.

Sa pagpupunyaging mapanatili ang kanyang paghahari sa pag-aangkin sa merkado ng browser, pumayag na makisosyo ang Netscape sa Sun Microsystems – ang tagapagbuo ng wika ng programming na pinangalanang Java. Ang alyansang ito ay nangangahulugan na ipinagtibay ng Sun Microsystems ang paggamit ng Netscape Navigator bilang isang platapormang maghahatid ng web nang sa gayon ay magamit ang Java sa Komunidad ng Java. 

Noong 1996, halos isang taon ang nakalipas, sa huli, ang Live Script ay pinangalanang JavaScript bilang isang estratehiya sa marketing upang magkamit ng pagtanggap sa komunidad ng Java. Itinanghal ang JavaScript bilang isang wika ng scripting na para sa mga maliliit na proyekto sa panig ng kliyente sa Netscape Navigator 2.0 browser, habang ang Java ay itinaguyod bilang isang pangdalubhasang kasangkapan para bumuo ng kahanga-hangang mga solusyon ng web. 

Kasunod nito, ang pasaliwang binalangkas (reverse-engineered) na JavaScript ng Microsoft ay bumuo ng isang pasadyang bersyon para sa kanilang Internet Explorer 3. Pinangalanan itong Jscript para maiwasan ang mga legal na isyu sa Sun Microsystems, na siyang nagmamay-ari ng Java Brand at pinalisensyahan ito para sa Netscape. 

Malinis, bumabagay at madaling maakses para sa mga hindi developer, ang JavaScript (at Jscript) ay kagulat-gulat na popular, ginagawang mas inter-aktibo ang mga pahina ng web pati na rin ang pagiging dinamiko.

Sa kasamaang palad, kapwa silang nagsimulang umani ng negatibong reputasyon dahil sa madaling hadlang sa pagpasok, nangangahulugan na makapagsusulat ang mga tao ng code snippets nang may katiting o walang kaalaman kung ano ang kanilang ginagawa. Bukod pa rito, ang JavaScript ay madalas na ginagamit para bugnutin ang mga tao (pop-up ads, paniniktik sa browser, atbp.) kaysa sa paghusayin ang kanilang karanasan.

Isang malaking pagtugon para sagutin ang isyung it ay nanggaling sa anyo ng ECMA standardization. Nagsumite ng dokumentasyon ang Netscape at Sun Microsystems para isunod sa pamantayan ang JavaScript gamit ang ECMA international, na siyang mag-hohost ng pamantayan. Ang pag-iistandardize o pagsunod sa pamantayan ay isang makabuluhang hakbang at dakilang paghahangad para sa isang bagong wika.

Ito ang nagbukas sa JavaScript sa mas malaking madla at nagpahintulot sa mga developer na magkaroon ng ambag sa ebolusyon sa wika ng scripting. Ang pagsunod sa pamantayan o “standardization” ay nagsilbi ring layunin para manatiling nababantayan ang mga taong ginagamit ang code para sa mga negatibong dahilan. Para maiwasan ang panghihimasok sa Java trademark ng Sun, ang komite ng ECMA ay nagpasyang pangalanan ng ECMAScript ang wikang ginawang pamantayan. 

Nagsanhi ito nang higit pang hindi pagkakaunawaan, ngunit sa huli ang ECMASript ay ginamit upang tumukoy sa espesipikasyon, at ang JavaScript ay ginamit (at nananatiling ginagamit) para tumukoy sa wika ng scripting sa panahon ngayon.

Ano ang pinaggagamitan ng JavaScript?

Ang paggamit ng JavaScript ay nagbago na sa nagdaang mga tao mula nang ito ay ilabas. Sa puntong ito, maaaring nagtataka kayo kung paano ang isang wika ng scripting na binuo sa loob ng 10 araw lamang ay ganap na nakapagbago sa Internet. Heto kung paano:

Mga Dinamikong Pahina ng Web

Ginagamit ang JavaScript para magdagdag ng mga dinamikong pakikipag-ugnay tulad ng mga elemento ng pagbabago at paggana sa mga pahina ng web. Pinahihintulutan din nito ang mga user na mag-load ng mga bagong imahe at bagay-bagay nang hindi kinakailangang i-refresh ang pahina ng web sa paglipas ng oras.

Pagbuo ng Web at Mobile App

Isa sa mga pinakamalakas na bagay tungkol sa JavaScript ay ang may kasama itong napakalawak na hanay ng mga librerya at balangkas na maaaring gamitin upang magtayo ng cross-platform web at mobile na mga aplikasyon.

Paggawa ng Laro

Ang JavaScript ay may kakayahan ring gumawa ng mga laro na nakabase sa web. Kinabibilangan ito ng maraming librerya at balangkas na maaaring gamitin ng mga tao upang gumawa ng mga larong 2D o 3D.

Mga Solusyong Nakabase sa Server

Higit pa sa pagbubuo ng mga website at app, ang mga developer ay maaaring pakinabangan ang JavaScript upang magtayo ng mga napakatatag na web server at back-end na pagpapaunlad gamit ang Node.js.

Ang mga Kalamangan ng Pagpapagana sa JavaScript

Ang mga kalamangan ng pagpapagana sa JavaScript sa inyong browser ay malayong hinihigitan ang mga kawalan, gaya ng ipinapakita ng kanyang katanyagan at laganap na paggamit sa buong Internet. Ang mga benepisyong tinatamasa niyo kapag inyong pinagana ang JavaScript ay kinabibilangan ng: 

Mas Maraming mga Inter-aktibong Website

Akses sa higit pang mga inter-aktibong website at interface gaya ng mga animasyon, videos, ad banners at iba pang mga sangkap ng kontemporaryong karanasan sa web.

Nadagdagang Bilis

Ang JavaScript ay isang script na nasa panig ng kliyente, nakapagpapabilis ng kakayahan sa pakikipag-ugnay ng user sa pahina ng web dahil sa binabawasan nito ang mga hiling ng server.

Binawasang Pasanin ng Server

Sa kadahilanang ang JavaScript ay tumatakbo sa panig ng kliyente, pinabababa nito ang oras na kinakailangan para kumonekta sa server, na sa kabilang banda ay nakapagtitipid sa parehong bandwidth at load.

Mga Limitasyon ng JavaScript

Habang may napakaraming paraan para gamitin ang JavaScript sa pagpapabuti ng mga pahina ng web at pakikipag-ugnay ng user, may ilan ring maliliit na bagay na hindi kayang gawin ng JavaScript. Dito ay matututunan natin ang tungkol sa ilang mga limitasyon ng JavaScript:

  1. Hindi kayang protektahan ng JavaScript ang inyong pinagkukunan o mga imahe ng pahina. Nangangahulugan ito na ang mga imahe sa inyong pahina ng web ay simpleng maida-download sa aparato ng isang user na tumitingin sa pahina ng web.
  2. Walang anumang kakayahan na magproseso nang maramihan ang JavaScript. Samakatuwid, wala itong kontrol sa memorya.
  3. Panghuli, hindi naaakses ng JavaScript ang mga pahina ng web na naka-host sa ibang domain.
  4. Kahit na ang user ay maaaring sabay-sabay na tumingin sa mga pahina ng web mula sa magkakaibang mga domain, ang JavaScript na tumatakbo sa isang web page ng domain ay hindi magagawang iakses ang anumang data sa isa pang web page ng domain.

Paano Hindi Paganahin ang JavaScript

Ang mas maraming pagpapagana ng JavaScript sa inyong browser ay nagdadala ng malalaking benepisyo, maaaring sa ilang punto ang mga user ay gugustuhin na pansamantalang hindi paganahin ito para sa seguridad. Maaaring hindi paganahin ang JavaScript sa karamihan ng mga modernong web browser tulad ng Mozilla Firefox, Google Chrome, Opera, Safari, Microsoft Edge, at Internet Explorer, bukod sa iba pa. 

Kung may JavaScript kayong nakaayos sa hindi pagpapagana sa inyong browser, kung gayon ay nangangahulugan ito na dati niyo nang tinanggalan ng paggana ang JavaScript, o hindi ito pinagana sa pamamagitan ng default sa inyong browser. Kung pinagana, basahin kung paano hindi paganahin ang JavaScript ayon sa pinili niyong browser sa inyong aparato.

Google Chrome Google Chrome

  1. Buksan ang inyong Google Chrome browser.
  2. Iklik ang Menu icon (tatlong tuldok), karaniwang matatagpuan sa itaas na sulok ng inyong browser.
  3. Iklik ang “Settings”.
  4. Ngayon ay iklik ang “Privacy and security” na nasa kaliwang sidebar menu.
  5. Sa ilalim ng “Privacy and Security”, i-tap ang “Site Settings” na buton.
  6. Hanapin ang “JavaScript Section” at piliin ang disable.
  7. I-restart ang inyong Chrome browser.

Internet Explorer Internet Explorer

  1. Buksan ang Internet Explorer browser sa inyong aparato.
  2. Piliin ang “Tools” – karaniwang matatagpuan ito sa itaas na kanang sulok ng inyong browser.
  3. Iklik ang “Internet Options” sa drop-down menu na nagpa-pop up.
  4. Susunod, i-tap ang “Security” tab.
  5. Sa “Security” column, iklik ang “Custom Level” na buton upang muling magbukas ng isa pang pahina.
  6. I-iskrol pababa ang pahina hangga’t makita niyo ang “Active Scripting”. Iklik ang Disable.
  7. I-restart ang inyong browser.

Mozilla Firefox Mozilla Firefox

  1. Buksan ang inyong Mozilla Firefox browser.
  2. I-type ang “about:config” sa address bar at iklik ang “Enter”.
  3. Tanggapin ang risk caution na nagpa-pop up sa inyong screen.
  4. I-type ang “javascript.enabled” sa search bar at ipaglipat-lipat ang mga resultang opsyon.
  5. Kung mag-uulat ng “success”, matagumpay niyo nang hindi pinagana ang JavaScript sa inyong Firefox browser.